Tuis  > Blyplek & Woonplek > Drie maniere om groener tuin te maak

Deur die manier waarop jy tuinmaak te verander sal jy nie net geld spaar nie, maar ook die planeet help red

 

In sy boek ‘Going Green: 365 Ways To Change Our World’, maak die bekende Suid-Afrikaanse weerman Simon Gear ons bewus van herwinningstelsels en –dienspunte in Suid-Afrika waarvan die meeste van ons nie eens geweet het nie. Met Gear se wyshede is dit so maklik soos 1,2,3 om ’n groener leefstyl te volg.

 

Hier gee hy drie eenvoudige maniere hoe jy kan help om die planeet te red deur jou manier van tuinmaak te verander: 

 

Maak net tuin nat as jou plante dit regtig nodig het

Dink daaran dat om jou tuin nat te maak, is soos ’n mini-reënstorm waarvoor jý betaal. Hoeveel van die plante in jou tuin is aangepas vir areas waar dit daagliks (of selfs weekliks) reën? Ek raai die antwoord is ‘geen’. Daar is regtig geen rede waarom jy ’n tydmeter moet stel om jou plante met water te besproei nie, ongeag of die son skyn. Vra jou plaaslike kewery vir raad oor hoe gereeld die plante in jou tuin wérklik water nodig het. Ek dink jy sal verbaas wees om te hoor dat jy hopeloos te veel water gee, veral as jy gebruik maak van ’n besproeïngstelsel wat aan ’n tydmeter gekoppel is.

 

Maak jou eie komposhoop

Enige ekosisteem werk in ’n siklus. As jy aanhou om voedingstowwe uit die sisteem te verwyder (deur tuinafval weg te gooi of groente te oes), sal jy een of ander tyd geld moet spandeer om weer terug te sit wat jy verwyder het. Dit maak dus sin om ’n hoekie in jou tuin uit te sit wat jy as ’n komposhoop kan gebruik. Jy sal ’n  hele paar rand spaar as jy nie geld op duur kunsmis hoef uit te gee nie. Boonop sal jy die omgewing ’n guns bewys deur jou tuin- en kombuisafval te hou waar dit hoort – in die grond!

 

Kweek jou eie groente

So, jy het reeds suksesvol ’n kruietuin begin en het nou gereeld vars basielkruid, roosmaryn, origanum en selfs laventel. Jy behoort genoeg groente vir ’n gesin van vier te kan kweek op ’n oppervlak van 2m² of 3 m². Om groente te kweek is ’n bietjie ingewikkelder as kruie aangesien jy – onder meer – gereeld moet oes. Dis egter baie meer belonend en bevredigend om iets te eet wat jy self geplant, versorg en geoes het. Begin klein met iets soos ’n suurlemoenboom, ’n paar kersietamaties en dalk selfs ’n paar rye boontjies. As die gogga jou eers gebyt het, sal jy binnekort ál meer wil aanpak.

 

Kry nóg tuinmaakwenke hier, en sien ook wat elke tuinier móét hê.

 
Jy moet aanmeld of registreer
Website Serarch Recipe Search

Teken in op die GH-nuusbrief

Ontvang Derdeparty-aanbiedinge:

Sekuriteitskode

Verification Image
Vul sekuriteitskode in *

Teken in Kanselleer intekening
Sluit aan by die GH-familie om vir GH-geleenthede te bespreek, by Goeie Dade betrokke te raak & aan ons aanlyn-gesprekke deel te neem.
 
Associated Magazines

Puik handelsmerke dink eenders! Ons staan vir veel meer as net tydskrifte. Besoek gerus ons ander webwerwe:

Marie Claire


Cosmopolitan

Cosmopolitan


Women On Wheels

Women On Wheels